அமுத விருந்து -இராமானுஜ நூற்றந்தாதி வியாக்யானம்–81-சோர்வின்றி வுன்தன் துணை அடிக்கீழ் -இத்யாதி ..

பெரிய ஜீயர் அருளிய உரை .
எண்பத்தோராம் பாட்டு -அவதாரிகை
எம்பெருமானார் திருவடிகளில் சம்பந்தி சம்பந்திகளுக்கே சர்வ சேஷ வ்ருத்திகளும்
பண்ணுவேன் என்றார் கீழே .
இந்நிலைக்கு -முன்பு இசையாத தமக்கு இந்த ருசி உண்டாயிற்று -எம்பெருமானார் பிரசாதத்தாலே
ஆகையாலே -தமக்கு அவர் செய்த உபகாரத்தை -அவர் தம்மைக் குறித்து விண்ணப்பம் செய்து -தேவரீர் உடைய கிருபைக்கு ஒப்பு இல்லை என்கிறார் .
சோர்வின்றி வுன்தன் துணை அடிக்கீழ் தொண்டு பட்டவர் பால்
சார்வின்றி நின்ற வெனக்கு அரங்கன் செய்ய தாளிணைகள்
பேர்வின்றி யின்று பெறுத்தும் இராமானுச இனி யுன்
சீரொன்றிய கருணைக்கு இல்லைமாறு தெரிவுறிலே – – 81- –
வியாக்யானம்
வேறொரு விஷயத்தில் மனச்சு பிரிவின்றிக்கே தேவரீருடைய சேர்த்தி அழகை உடைத்தான
திருவடிகளின் கீழே நிழலும் அடி தாறும் போலே சேஷமாய் இருக்குமவர்கள் -பக்கல்-ஒரு
பொருத்தம் இன்றிக்கே நின்ற எனக்கு –
அவர்களுக்கே அனந்யார்ஹசேஷம்    என்னும் நினைவை பிறப்பிக்கை யாலே –
அடியார்க்கு என்னை ஆட்படுத்த விமலன் -அமலனாதி பிரான் – 1-என்றும்
அடியார்க்கு ஆட்படுத்தாய் -திருப் பள்ளி எழுச்சி – 10- என்றும்
சொல்லுகிறபடியே தாமுகந்தாரை ஸ்வகீயர் அளவிலே சேர்க்கும் ஸ்வபாவராய்
பாகவத சேஷத்வ நிஷ்டர்க்கு ஒழிய தம் திருவடிகளை விட்டுப் பேராத நிலை இல்லையாம்படி –
இருக்கும் -பெரிய பெருமாளுடைய திரு மேனி நிறத்துக்கு -பரபாகமான சிவப்பையும்
சேர்த்தி அழகையும் உடைய திருவடிகளை ஒரு காலமும் விட்டு நீங்காத படியாக இன்று
பெறுவித்து அருளினவரே !
இப்படியான பின்பு தேவரீர் உடைய கௌரவ யுக்தையாய் இருந்துள்ள க்ருபைக்கு
ஆராயும் அளவில் ஓர் ஒப்பு இல்லை .
அதவா –
சோர்வின்றி -இத்யாதிக்கு
அரங்கன் செய்ய தாளிணைகள் பேர்வின்றி -உன் தன் துணை அடிக்கீழ் தொண்டு பட்டவர் பால்
சார்வின்றி நின்ற வெனக்கு -இன்று பெறுத்தும் இராமானுச -என்று அந்வயித்து –
பகவத் சேஷத்வத்துக்கு இசைகையாலே பெரிய பெருமாள் திருவடிகளை விடாமல் உறைக்கப் பற்றி –
துர்மானத்தாலே பாகவத சேஷத்வத்துக்கு இசையாமல் -தேவரீர் திருவடிகளுக்கு சேஷமாய் இருப்பார் பக்கல்
சேராமல் நின்ற வெனக்கு -அத்தை இன்று லபிப்பித்து அருளின தேவரீர் கிருபைக்கு ஒப்பு இல்லை
என்னவுமாம் .
பேர்தல்-நீங்குதல்
சீர்-கனம்-அழகாகவுமாம் –
ஒன்றுதல்-கூடுதல்
மாறு-ஒப்பு
தெரிவுறுதல் -ஆராய்தல்–
பிடித்தார் பிடித்தாரை பற்றி குறை இல்லாமல் இருப்போம் –
அரங்கன் திருவடி பிடித்த செருக்கால் -இருந்தேன் -அடியார் அடியாரை பிடிக்காதவரை அரங்கன் விரும்பானே –
இப்பொழுதோ -ஆழ்வான் திருவடி சம்பந்தம் பெற்ற பின் அரங்கன் விரும்பி மேல் விழுகிறான் —பாகவதர் திருவடிகளை பெற்று கொடுத்தீர் -அரங்கன் திருவடிகளை பெற்று கொடுத்தீர் -சிர் ஒன்றிய கருணைக்கு ஒப்பு இல்லை -இப்படி அருளிய ஸ்வாமியின் இன்னருளுக்கு எதுவுமே ஒப்பு இல்லையே -ஆட் கொண்ட வல்லி சீயர் ஐதீகம் –பாகவத சேஷத்வம் அறியாமல் பாண்டே பல காலும் போயின என்று அழுதேன் -சோர்வின்றி -மனம் வாக் காயம் ஒருப்பட்டு –பதச்சாயை -தண்டம் பவித்ரம் -போல்வார் இடம் -பொருந்தப் பண்ணின கிருபை -விரகு அறிந்து ஸ்வாமி அருளினார் –அரங்கன் திருவடிகளை ஆச்சார்ய முகேன -இதுவே –மருந்து கிடைக்கவே –பக்த பக்த திருவடிகள் விருந்து பெற்றேன் என்றபடி-சுக்ரீவன் -இளைய பெருமாள் அருளால் -பெருமாள் உதவியது போலே / நாயகனாய் –வாசல் காப்பான் கோயில் காப்பான் காலிலே விழுந்தாள் போலே -நீ நேசக் கதவம் நீக்கு –ந சம்சய தத் பக்த பரிசரியா–
————————————————————————–

பிள்ளை லோகம் ஜீயர் அருளிய உரை –

அவதாரிகை -கீழ்ப் பாட்டில் சர்வோத்தமரான எம்பெருமானார் உடைய சம்பந்தி சம்பந்திகளுக்கே
சர்வ தேச சர்வ கால சர்வ அவச்தைகளிலும் சர்வ கரணங்களாலும்    சர்வ வித கைங்கர்யங்களும்
செய்யக் கடவேன் என்று அவர்கள் பக்கலிலே தமக்கு உண்டான ஊற்றத்தை சொல்லி -இதிலே –
எம்பெருமானார் திரு முக மண்டலத்தைப் பார்த்து இவ்வளவும் தேவரீருக்கு சேஷ பூதராய்
இருக்கிறவர்கள் திறத்திலே அடிமை தொழில் செய்ய இசையாத என்னை -தாம் உகந்தாரை
தமக்கு அந்தபுர பரிகரமாக்குகிறவர்கள் விஷயத்தில்    அடிமை படுத்துகைக்கு உத்தேசிக்கலாய்
தன் அடியார்க்கு அடிமை படாதே இருக்கிறவர்களுக்கு அந்த திருவடிகளை கொடுக்க இசையாது
இருக்கிற பெரிய பெருமாளுடைய திருவடிகளில் சேர்த்து அருளின தேவரீர் உடைய பரம
கிருபைக்கு ஒப்பு இல்லை என்கிறார் –
வியாக்யானம் -சோர் வின்றி உன் தன் துணை அடிக் கீழ்– மயிசா நன்ய யோகே நபக்திரவ்யபிசாரிணி  –
என்று கீதாசார்யன் அருளிச் செய்தபடியே -வேறு ஒரு விஷயத்திலும் மனசு பிரிந்து போகை அன்றிக்கே –
க்ர்த்வாமர்த்ய மயீம் த நு ம் மக் நா நுத்தர தேலோகா ந் காரருன்யாஸ் சாஸ்த்ரபாணினா-என்று

சர்வோத்தரரான தேவரீர் உடைய சேர்த்தி அழகை உடைத்தான    திருவடிகளின் கீழே

தொண்டு பட்டவர்பால் -நிழலும் அடி தாறும் போலே சேஷமாய் இருக்குமவர் பக்கல் -யுஷ்மத் பாதாரவிந்த யுகளம்
பஜதாம் குருணாம் -கூராதி நாத குருகேச முகாத்யு பும்ஸாம் -என்று சொல்லப்பட்ட மகத்துக்கள் விஷயத்தில்
என்றபடி -சார்வின்றி நின்ற -சேருதல் இன்றிக்கே இருக்கிற -எனக்கு -அநாதி காலமே தொடக்கி எம்பெருமானாரை
ஆஸ்ரயிக்கும் அளவும் -தஸ்மாத் மத் பக்த பக்தாஸ் பூஜ நீயா விசேஷத -என்கிற வர்த்தத்தை அறியாதே
ந நமேயம் -என்று பிரதி கூலனாய் போந்த அடியேனுக்கு -அரங்கன் செய்ய தாள் இணைகள் -ஜீவன ஹேதுவாய்
 போக்யமுமாயும் இருக்கிற சோற்றிலே -ரோகோல் பணத்தாலே அருசி பிறந்தவனுக்கு விரகனான வைத்தியன் கையில்
காட்டிக் கொடுக்கும் மாதாவைப் போலே -மமமத் பக்த பக்தேஷூ   ப்ரீதிரப்யதி காவபெத் -என்றும் -அடியார்க்கு
என்னை ஆட்படுத்த விமலன் -என்றும் -உன் அடியார்க்கு ஆட் படுத்தாய் -என்றும் சொல்லுகிற படி -ஸ்வ ஆஸ்ரிதர்
பக்கல் அதி வ்யாமுக்த்தராய் -தாம் உகந்தாரை தம் அடியார்க்கு -ஏழாட்காலும் அடிமைப்படுத்தும் பரிமாற்றம்
அறியும் விரகராய் -செடியார் வினைகள் தீர் மருந்தே -என்றும் -மருந்தே நங்கள் போக   மகிழ்ச்சிக்கு -என்றும்
சொல்லுகிறபடியே -பகவத் செஷத்வத்துக்கும் பாகவத செஷத்வத்துக்கும் இசையாது ஒழிகை யாகிற துஷ் கர்மங்கள் அடங்கலும் நசிக்கும்படி கடாஷித்து அருளும் பெரிய பெருமாளுடைய திரு மேனி நிறத்துக்கு பரபாகமாய் சிவப்பையும் சேர்த்தி

அழகையும் உடைய திருவடிகளை -காட்டிக் கொடுத்த வற்றை

பேர்வின்றி -ஒருக்காலும் விட்டு நீங்காத படியாக பேர்தல் -நீங்குதல் -இன்று பெறுத்தும் -இப்போது
நிழலும் அடி தாறும் போலே சேஷ பூதனாய் இருக்கிற இந்த மகா பலத்தை பெறுவித்து -பலிப்பித்து
அருளின -இராமானுச -எம்பெருமானாரே -இனி உன் சீர் ஒன்றிய கருணைக்கு -உபாயே நது யச்சக்யம்
நதசக்யம் ப்ராக்ரமை -என்னும்படி -விரகாலே -த்வத் தாஸ தாஸ கண ந சரமாதவ்ய ஸ்தத் தாஸைத கா சதா
விரதாமமாஸ்து -என்று அத்யந்த ப்ரார்த்தநீயமான சரம பார்வை நிஷ்டர்க்கு ஊற்றுவாயான பிரதம பர்வத்தில்
நிற்கும்படி    திருத்தி அருளிய பின்பு -இப்படி கிரிஷி பண்ணி அருளின தேவரீர் உடைய மகா ப்ரபாபவதியாய்
இருக்கிற கிருபைக்கு -சீர் -அழகும் மகத்வமும் -ஒன்றுதல்-கூடுதல் -தெரிவுறில்-ஆராய்ந்து பார்க்கும் அளவில்
தெரிதல்-ஆராய்தல் மாறு -இல்லை ஒப்பு இல்லை -சித்திர் பவதி வா நேதி சம்சயோச்யுத சேவி நாம்  –
என்கையாலே -தென் அரங்கர் சீர் அருளும் இது தனக்குஒப்பாக மாட்டாது என்று காணும் இவருடைய
திரு உள்ளத்தில் ஓடுகிறது -ந சம்சயஸ்துதத் பக்த பரிசர்யாரதாத்மனாம் -என்று சொல்லுகையாலே
இவ்வர்த்தம் சம்ப்ரதிபன்னம் இறே -மாறு -ஒப்பு -அன்றிக்கே –அரங்கன் செய்ய தாள் இணைகள் -பேர்வின்றி –
சோர் வின்றி -வுன் தன் துணை அடிக் கீழ்    தொண்டு பட்டவர் பால் சர்வின்றி நின்ற எனக்கு -இன்று பெறுத்து
இராமானுச -உன் சீர் ஒன்றிய கருணைக்குதெரிவுறில் -மாறு இல்லை -என்று அந்வயித்து-பகவத் சேஷத்வத்துக்கு
இசைகையாலே -பெரிய பெருமாள் உடைய திருவடிகளில் சக்தனாய் -அந்த கர்வத்தாலே ததீயர் உடைய
ப்ரபாபவத்தை அறியப் பெறாதே  -தேவரீர் திருவடிகளுக்கு சேஷமாய் இருப்பவர் பக்கல் சேராது ஒழிந்த எனக்கு
அத்தை இன்று லபித்தது அருளின தேவரீர் உடைய அப்ரதிம பிரபாவதியான கிருபைக்கு -ஆராய்ந்து பார்க்கில் –
ஒருவரும் சத்ர்சர் இல்லை என்று பொருள் சொல்லவுமாம் –
————————————————————————–

அமுது விருந்து

அவதாரிகை –
எம்பெருமானார் அடியார் அடியார் கட்கே -எல்லா அடிமைகளும் செய்வேன் என்றார் கீழே -இதனில் இந்நிலை ஏற்படுவதற்கு முன்பு ஏனைய சம்சாரிகள் போலே -இவ் விஷயத்தில்
இசைவில்லாமல் இருந்த தமக்கு -எம்பெருமானார் அருளாலே -ருசி உண்டாகியதை
நினைத்து அவர் புரிந்த உபகாரத்தை -நேரே அவரைநோக்கி –
விண்ணப்பித்து -தேவரீர்கருனைக்கு ஒப்பு இல்லை -என்கிறார் .
பத உரை –
சோர்வின்றி -பிரிவில்லாமல்
உன் தன் -தேவரீர் உடைய
துணை அடிக் கீழ் -ஒன்றுக்கு ஓன்று அழகு உடைமையின் துணையாக அமைந்த திருவடிகளின் கீழே –
தொண்டு பட்டவர் பால் -அடிமை பட்டவர்கள் இடத்தில்
சார்வு இன்றி நின்ற எனக்கு -பொருந்துதல் இன்றி நின்றவனான எனக்கு
அரங்கன் -பெரிய பெருமாளுடைய
செய்ய -சிவந்த
தாளிணைகள் -அழகினில் இணைந்த திருவடிகளை
பேர்வு இன்றி -நீங்குதல் இல்லாமல் –
இன்று -இக்காலத்தில்
பெறுத்தும் -பெறும்படி செய்யும்
இராமானுச -எம்பெருமானாரே
இனி -அரங்கன் திருவடிகளைப் பெறுவித்த பிறகு
உன் -தேவரீருடைய
சீர் ஒன்றிய -மகத்துவம் பொருந்திய
கருணைக்கு -கிருபைக்கு
தெரிவு உறில் -ஆராயப் புகில்
மாறு-ஒப்பு
இல்லை -கிடையாது –
வியாக்யானம் –
சோர்வின்றி –எனக்கு
இதனால் தனது பழைய நிலையினை நினைக்கிறார்
உன் தன் -என்று வகுத்த ஆச்சார்ய சம்பந்தமும் –
துணையடி -என்று போக்யதையும் -திருவடிகளுக்கு காட்டப் பட்டன –
திருவடிக் கீழ்த் தொண்டு என்னவே -நிழலும் அடி தாறும் -பாத ரேகை -பாதுகை -போலே
அடிமைப் பட்டமை புலனாகிறது .
பாத ரேகையும் பாதுகையும் அடிகளின் கீழ் இருப்பதையே இயல்பாக கொண்டு –
பயன் வேறின்றி –
மற்று ஒன்றுக்கு உபயோகப் படாதது போலே –
எம்பெருமானார் திருவடிக் கீழ்
இருத்தல் என்னும் வாழ்ச்சியே தம் இயல்பாகக் கொண்டு
அதனைத்தவிர வேறு பயன் இன்றி
மற்று ஒன்றுக்கு ஆளாகாதவர்கள் -எம்பெருமானார் அடியார்கள் -என்க .
இத்தகைய அடியார்கள் ஆதலின் -வேறொரு விஷயத்தில் நெஞ்சை செலுத்தாமல் –
மனப்பூர்வமாய் ப்ரீதி உடன் தொண்டினைச் செய்வது தோன்ற -சோர்வின்றி தொண்டு பட்டவர் –
என்கிறார் –சோர்வு -பிரிவு -அது இங்கே மனத்தின் பிரிவைச் சொல்கிறது .
மனத்திற்கு பிரிவாவது வேறு விஷயத்தில் அதனை செலுத்துதல் –
மனப் பூர்வமான ப்ரீதியினாலே விளைந்தமை தோற்ற -தொண்டு செய்பவர் -என்னாது -தொண்டு பட்டவர் -என்கிறார் .ப்ரீதி காரிதமான கைங்கர்யம் உடையவர்கள் -என்றபடி -தொண்டு பட்டமையே அவர்களுக்கு நிரூபகம் .குல கோத்ராதிகள் அல்ல –
அத்தகையோர்களை சார்ந்து இருக்கும் தற்கால நிலை முன்பு இல்லையே என்று பழைய நிலையை
நினைத்து –சார்வின்றி நின்ற எனக்கு -என்கிறார் .
சார்தல் -பொருந்துதல் -சார்ந்த இரு வல் வினைகள் -திருவாய்மொழி -1 5-10 – – எனபது காண்க .
இங்கனம் பாகவத சேஷத்வத்தின்சுவை யறியாது கீழ் நாள்கள் எல்லாம் வாளா இருந்து ஒழிந்த
எனக்கு –எல்லா விடத்திலும் -எத் தொழும்பும் -அந்தப் பாகவதர்களுக்கே செய்யும் நிலை
ஏற்படும் படியாக பிறர்க்கு அன்றி -அந்த பாகவத்ர்க்கே உரிமை பட்டது –
இவ் ஆத்மா -என்னும் உணர்வை உண்டு பண்ணி யருளினார் எம்பெருமானார் .
அதன் பயனாக பெரிய பெருமாளுடைய அழகிய அடிகளை அடியேன் விட்டு நீங்காதபடி
பெற முடிந்தது என்கிறார் மேற் பகுதியினாலே –
அரங்கன் –பெறுத்தும் இராமானுச
பெரிய பெருமாள் இடம் குறிக் கொள்ளத்  தக்க இயல்புகள் உண்டு –
தமக்கு எவரிடம் ப்ரீதி உள்ளதோ அவரைத் தம் அடியார்க்கு ஆட்படும்படி செய்தல் அவற்றுள்
ஓர் இயல்பாகும் ..
அடியார்க்கு என்னை ஆட்படுத்த விமலன் -என்று திருப் பாண் ஆழ்வாரும்
அடியார்க்கு ஆட படுத்தாய் -என்று தொண்டர் அடிப் பொடி ஆழ்வாரும்
அருளிச் செய்து இருப்பது காண்க –
பாகவத சேஷத்வத்திலே ஊன்றி இருப்பவர்களுக்கே தம் திருவடிகளை விட்டுப் பிரியாத நிலையையும் –
மற்றவர்களுக்கு தம் திருவடிகளை விட்டு பிரியாத நிலை இல்லை -என்னலாம் படியான நிலையையும் –
விளைவித்தாலும் -அவனிடம் காணும் இயல்புகளே –
இந்த இயல்புகள் என் திறத்து இன்று புலப்படா நிற்கின்றன –
அடியார்க்கு அரங்கனால் ஆட்படுத்தப் பட்டேன் –
அரங்கன் செய்ய தாளிணைகள் என்னை விட்டு பிரியாது பேர்வின்றி நின்றன .
இங்கனம் அடியார்க்கு ஆட்படுதலும் –
பேர்வின்றி அரங்கன் தாளிணைகளைப் பெறுதலும் –
இன்று எனக்கு பாகவத சேஷத்வத்திலே  விருப்பம் உண்டாம்படி திருப்பத்தை ஏற்படுத்தின
எம்பெருமானார் திருவருளால் கிடைத்த பேறுகள்-என்கிறார் .
பாகவதர்க்கே உரிமைப் பட்டது ஆத்மா -என்று எம்பெருமானார் உண்டு பண்ணின உணர்வு
அடியாராகிய ஆழ்வானுக்கு அரங்கனால் ஆட்படுத்தப் பட்டு -அரங்கன் தாளிணைகளை
பேர்வில்லாமல்-பெறும்படி செய்வதனால் -உரம் பெற்று நின்றது -என்க .
பாகவத சேஷத்வத்தை உணர்த்தி -அருளினதாக கூறாது –
அவ் உணர்வில்  நிற்பார் பேர்வின்றி பெரும் அரங்கன் தாளிணைகளை பெறுவித்ததாக
கூறுவதனால் அவ் உணர்வு உரம் பெற்று மிளிருவது காண்க –
அரங்கன் செய்ய தாளிணைகள் –
தாளிணைகள் சிவந்தன –
அரங்கன் பச்சை பசும் தேவன்
இந்நிறச் சேர்த்தியின் அழகை அனுபவிக்கிறார் .
இனி யுன் –தெரிவுறல் –
இனி -இங்கனம் அரங்கன் செய்ய தாளிணைகள் பெறுவித்த பிறகு
சீர் ஒன்றிய கருணை -மகிமை பொருந்திய கருணை
சீர் -மகிமை -ஒன்றுதல்-பொருந்துதல்
உன் கருணை -அரங்கன் கருணை அன்று -உன் கருணை சீர் ஒன்றியது
அரங்கன் கருணை சீர் ஒன்றாதது -ஸ்வா தந்த்ர்யம் கலந்து இருத்தலின் -அது சீர் ஒன்றாதது
அக் கலப்பு இல்லாமையின் இது சீர் ஒன்றியது –
ஒன்றவே அரங்கன் கருணையும் -ஒரு கால் ஸ்வா தந்த்ர்யத்தால் பயன் இன்றி போவதாய் இருத்தலின் –
என்றும் பயன் குன்றாத எம்பெருமானார் கருணைக்கு ஒப்பாகாது என்கிறார் .
மாறு -ஒப்பு
இது வெறும் புகழ் உரை அன்று -ஆராய்ந்து பார்த்தால் இவ் உண்மை புலப்படும் என்னும்
கருத்துடன் –தெரிவுறில்-என்கிறார் -தெரிவுறில் -ஆராயின் –
இனி-
பாகவத சேஷத்வத்தின் பயனாக அரங்கன் செய்ய தாளிணைகள் பெறுவித்ததாக கூறாமல்
நேரே பாகவத சேஷத்வத்தையே பெறுவித்ததாக உரை கூறலுமாம் –
அப்பொழுது அரங்கன் செய்ய தாளிணைகள் பேர்வின்றி -சோர்வின்றி உன் தன் துணை அடிக்கீழ்
தொண்டு பட்டவர் பால் சார்வு இன்றி நின்ற எனக்கு இன்று பெறுத்தும் இராமானுச -என்று
கொண்டு கூட்டிப் பொருள் கொள்ளல் வேண்டும் ..பாகவத சேஷத்வத்துக்கு இசையாது
பகவானுக்கு சேஷப் பட்டு இருத்தலை மட்டும் இசைகையாலே -அரங்கன் செய்ய தாளிணைகளை
நீங்காது பற்றித் தேவரீர் திருவடிகளின் கீழே சோர்வின்றி தொண்டு பட்டவர்கள் இடம் -செருக்கினால்-
பொருந்தாமல் -பாகவத சேஷத்வத்துக்கு புறம்பாய் நின்ற எனக்கு –
இன்று அந்தப் பாகவத சேஷத்வத்தை பெறும்படி -அதாவது தொண்டர் பட்டவர் பால் சார்வு
ஏற்படும்படி செய்த எம்பெருமானாரே -என்று பொருள் கொள்க –
முந்தின பொருளில் நேரே -பாகவத சேஷத்வம் பேசப்படுவதில்லை –
அதன் பயனாக தாளிணைகள் பேர்வின்றி பெருத்தாலே பேசப் பட்டுள்ளது .
பிந்தின பொருளில் அது நேரே கூறப்படினும் கொண்டு கூட்டிப் பொருள் கொள்ள
வேண்டிய இடர்ப்பாடு உள்ளது ..
————————————————————————–
அடியேன் கேள்வி ஞானத்தினால் ஜல்பித்தது

விதி வாய்கின்றது -ஆழ்வார் பகவான் கிருபை/மதுரகவி ஆழ்வார்- அருள் கொண்டு –மிக்கதே ஆழ்வார் அருள் மிக்கது என்கிறார்// பாகவத சேஷத்வம் தெரியாமல் திரிந்த என்னை -ஸ்வாமி -அரங்கன் அடி சேர்த்தார்-

அடியார்க்கு ஆட் படுத்துவான் அரங்கன்/இருவர் அருளும் பெற்றேன்-/உன் சீர் ஒன்றிய கருணைக்கு -ஆராய்ந்து பார்த்தால் மாறு இல்லை/உன் அடியார் பக்கல் சார்வின்றி நின்ற எனக்கு-தம் முன் இருந்த பிரகாரம் -அரங்கனின் செய்ய தாள் இணைகள் -இன்று பெறுத்தினையே–/எம்பெருமானாரின் சம்பந்த சம்பந்திகளுக்கே சர்வ சேஷ வ்ருதிகளும் பண்ணுவேன் என்றார் கீழ்

..இன் நிலைக்கு முன்பு இசையாத தமக்கு தமக்கு இந்த ருசி உண்டாயிற்று எம்பெருமானார் பிரசாசத்தாலே-ஆகையாலே தமக்கு அவர் செய்த உபகாரத்தை அவர் தம்மை குறித்து விண்ணப்பம் செய்து-தேவரீர் உடைய க்ருபைக்கு ஒப்பு இல்லை என்கிறார்-வேறு ஒரு விஷயத்தில் மனசு பிரிவு இன்றிக்கே-தேவரீர் உடைய சேர்த்தி அழகை உடைத்தான திருவடிகளின் கீழே நிழலும் அடிதாரும் போலே-சேஷமாய் இருக்கும் அவர்கள் பக்கல் ஒரு பொருத்தம் இன்றிக்கே நின்ற எனக்கு-உபாயம் உபேயமாக//அவர்களுக்கே என்று அனந்யார்ஹா சேஷம் என்னும்/தொண்டு செய்பவர் இல்லை தொண்டு பட்டவர்–திணிக்க பட்டு இல்லை ப்ரீதி கார்யம்/ தொண்டு படுதலே ஆண்டான் எம்பார் போல்வாருக்கு சொரூப நிரூபக தர்மம்/-சுந்தர பாண்டியன் பிடித்தவர் போல்/

பட்டு விட்டால் விலக முடியாது செய்தால் விலகலாம்/தொண்டு பட்டவர்கள்/ சார்ந்த இரு வல் வினைகள்/ சார்வின்றி -அவர்களுக்கே-அனந்யார்ஹா சேஷம் என்னும் நினைவை பிறப்பிக்கை யாலே-–அதன் பயனாக –அரங்கன் செய்ததாக செய்தது நிறம் பெற்றது–அடியார்க்கு என்னை ஆட் படுத்த விமலன் /அடியார்க்கு ஆட் படுத்தாய் /–தாம் உகந்தாரை ததீயர்  அளவிலே சேர்க்கும் ச்வாபராய்-பாகவத சேஷத்வ நிஷ்டர்க்கு ஒழிய தம் திருவடிகளை விட்டு பேராத நிலை இல்லையாம்    படி-இருக்கும் பெரிய பெருமாள் உடைய —அடியார்  அடியார்க்கு அருள் தருவான்–திரி தந்தாகிலும் தேவ பிரான் கரிய கோல திரு உரு காண்பான் நான்-பெரிய பெருமாள் உடைய  திரு மேனி நிறத்துக்கு பரபாகமான சிவப்பையும் சேர்த்தி அழகையும் உடைய திருவடிகளை-ஒரு காலமும் விட்டு நீங்காத படி யாக இன்று பெறுவித்து அருளினவரே !-அரங்கன் செய்ய தாள் இணைகளே -பாகவத அடியார்கள்-–அனந்த் ஆழ்வானை   – அருளாள பெருமாள் எம்பெருமானார் திருவடி சேர்த்தார்-அமுதனாரை கூரத் ஆழ்வான் இடம் சேர்த்தது ஸ்வாமி தனி சிறப்பு

பட்டரை எம்பார் இடம் -/உன் சீர் ஒன்றிய கருணைக்கு -ஆராய்ந்து பார்த்தல்- வேறு ஒப்பு ஒன்றும் இல்லை-அதவா–வேறு ஒரு நிர்வாகம்-அரங்கன் செய்ய தாள் பேர் இன்றி-விடாமல் பற்றி- அதனாலே – துர்மானத்தாலே -அடியார் பக்கல் சாரேன் – இருந்தேன்-இன்று சேஷத்வம் அருளினாய் .-இன்று பெருத்தினாய் /./பிள்ளாய் பேய் பெண்ணே பாகவத சேஷத்வ மகிமை -அறிந்தும் மறந்து இருந்தவள்-ஆட் கொண்ட வல்லி ஜீயர்- நம் பிள்ளை-ஐதீகம்–ஆள வந்தார் சரம நிலையில் பெரிய பெருமாளை செவிக்காமலே எம்பெருமானார் காஞ்சி திரும்ப/-ஆத்மா குணம் ஆச்சர்ய சம்பந்தம் விளை விக்கும்  அதுவே பாதகம் என்றால் , பெரிய பெருமாளை-சேவிக்க வில்லை- கூரத் ஆழ்வானும்..-சீர்-கணம் ச்வாதந்த்ரம் இல்லாத குணம்-/பேர்தல்-நீங்குதல்/ஒன்றுதல்-கூடுதல்,மாறு-ஒப்பு /தெரி வுறுதல் -ஆராய்தல்

மறப்பற என்னுள் மன்னினான் தன்னை/அவ் விவசார பக்தி -சோர்வின்றி-/உன் தன் துணை அடி கீழ்-வகுத்த விஷயம் என்ற திட அத்யாவசியம் தோன்ற உன் தன்-போக்யமாகவும் இருக்கும்-சர்வதோரகாரகர் எம்பெருமானார் ஒருவரே-/சார்வு- நெருக்கம் கூட இல்லை அடிமை தொண்டு கிட்டே போக மாட்டேன்-நம் பிள்ளை நம் ஜீயர்- பகவத் விஷயம் அறியாத லஜ்ஜை  இன்றி சஜாதிய மனுஷ்யர் என்று நம் பிள்ளை இடம்-கால ஷேபம் கெட லஜ்ஜை கொண்டவர் -என் சிஷ்யர் உன்னை சேவித்து சொல்வார் -யாருக்கும் தெரியாமல் சொல்ல சொல்லி –பயிலும் சுடர் ஒளி கால ஷேபம் வந்ததும் மனம் திருந்தி சேவிக்க -கால ஷேபம் நிறுத்தின ஐதிக்யம்-–எம்மை ஆளும் பரமரே- கேட்டதும் சேவிக்க கால ஷேபம் நிறுத்தினார் நம்பிள்ளை//இப்படி இருக்கும் ஸ்ரீ வைஷ்ணவர்கள் ஏற்றம் அறிந்து  உகந்து இருக்கையும் -வரவே வராது இந்த நிலை-மா முனிகள்-சாஸ்திரம் சம்ப்ராயதமும் தனி தனியாக வைப்பார் ஸ்வாமி-/கத்ய த்ரயம் அந்தரங்கருக்கு மட்டும்/ஸ்ரீ பாஷ்யம் கடைசியில் மோட்ஷம் போக பாகவத அபசாரம் இருந்தால் விரோதி என்று அருளினார்/ கூரத் ஆழ்வான் கண் போனது யாராவது ஸ்ரீ வைஷ்ணவர் திரு மண் கோணலாக இருந்தது என்று நினைத்து இருப்பேன் என்றார்/தஸ்மாத் மத் பக்த பக்தாக -அடியார் அடியாரை என்னை போல பூஜிக்க வேண்டும் என்கிறான்/ஜீவன ஹேது போக்யமுமாய் இருக்கிற சோற்றால் அஜீரணம் அருசி

-ஒவ்ஷதம் கொடுத்து போக்க வைத்தியன் -விரகன்-அவராலே தான் இந்த வியாதி–கையில் காட்டி கொடுக்கும்– மாதாவை போல–பாகவத சேஷத்வம் தான் இந்த அன்னம்//அரங்கன் தான் வைத்தியன்/அடியார்க்கு ஆட் படாவிடில் என் திருவடி இல்லை என்பான்/ஆஸ்ரிதர் பக்கல் ப்ரீதி அதிகம் -அடியார்க்கு என்னை ஆட் படுத்திய விமலன்/தாம் உகந்தாரை எழ ஆட் கால் அடிமை படுத்தும் விரகன்-மருந்தே என் போக மகிழ்ச்சிக்கு //சேஷத்வ காஷ்ட்டை/சீர் ஒப்பு இல்லை /அச்சுதன் திருவடி பற்றிவனுக்கு-சித்திர் பவதிவா நேதி- தென் அரங்கன் திரு அருளும் ஈடு இல்லை-இது மொட்டு போல  /இந்த சம்சயம் இல்லை பக்த பக்தன் அடி பற்றிவனுக்கு/-இது  மொட்டு ,புஷ்பிதம் ஆகி பழம் ஆனது போல //உற்றதும்  உன் அடியார்க்கு அடிமை –நின் திரு எட்டு எழுத்தும் கற்ற  பின் -மற்று எல்லா பேசினும்/-கலியன்-இப் படியான பின்பு தேவரீர் உடைய கௌரவ  யுக்தியே இருந்துள்ள க்ருபைக்கு ஆராயும் அளவில் ஓர் ஒப்பு இல்லை-


 

கந்தாடை அப்பன் திருவடிகளே சரணம் –
திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் திருவடிகளே சரணம் .
பிள்ளை லோகம் ஜீயர் திருவடிகளே சரணம்
திருவரங்கத் தமுதனார் திருவடிகளே சரணம் .
ஆழ்வார் எம்பெருமானார் ஜீயர் திருவடிகளே சரணம்

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: